काठमाडौं । पश्चिमी वायुको प्रभावले राजधानी काठमाडौँ उपत्यकासहित देशका धेरै स्थानमा वर्षा भइरहेको जल तथा मौसम विज्ञान विभाग मौसम पूर्वानुमान महाशाखाले जनाएको छ ।
महाशाखाका अनुसार काठमाडौँमा अपरान्हदेखि मेघगर्जन र चट्याङसहित ठुलो वर्षा भइरहेको छ ।
यस्तै अहिले कोशी, बागमती, गण्डकी, सुदूरपश्चिम र कर्णाली प्रदेशका पहाडी भेगमा हल्का वर्षा भइरहेको छ ।
रातिको समयमा पनि देशका पहाडी क्षेत्रमा मेघ गर्जन र चट्याङसहित हल्का वर्षाको सम्भावना रहेको छ ।