सरकारी तवरमा इजरायलमा श्रमिक पठाउन आवेदन खुलाइएको छ । इजरायलसाग सम्झौता भएको १० महिनापछि वैदेशिक रोजगार विभागले एक हजार श्रमिक पठाउनका लागि आजबाट छनोट प्रक्रिया अगाडि बढाएको हो । असोज पहिलो सातासम्म श्रमिक पठाउन सुरु गर्ने सरकारी तयारी छ ।
सरकारी तवरमा नेपाली श्रमिक इजरायल पठाउन दुई देशबीच २०७७ असोजमा सम्झौता भएको थियो । त्यही सम्झौताअनुसार वैदेशिक रोजगार विभागले श्रमिक छनोट प्रक्रिया मंगलबार अगाडि बढाएको हो । इजरायल जान चाहनेले २१ दिनभित्र अनलाइन आवेदन दिनुपर्नेछ । २५ देखि ४५ वर्षका महिला-पुरुष दुवैले आवेदन दिन पाउनेछन् । अनमी वा सीएमएको कम्तीमा पन्ध्र महिनाको अध्ययन पूरा गरेको वा १२ कक्षा पढेर केयर गिभिङसम्बन्धी तीन महिने तालिम लिएको हुनुपर्ने योग्यता तोकिएको छ । इजरायलमै परिवारका सदस्य हुनेले भने आवेदन दिन पाउने छैनन् ।
आवेदन बुझाउने युवाले अंग्रजी भाषाको लिखित परीक्षामा सहभागी हुनुपर्नेछ । सबैभन्दा बढी अंक ल्याउने १४ सय जनाको नाम इजरायल पठाइनेछ । त्यसबाट एक हजार जनाको नाम रोजगारदाताले छान्नेछन् । छानिएका श्रमिकले इजरायल जानुअघि अभिमुखीकरण तालिम, स्वास्थ्य परीक्षण, स्वास्थ्य बिमा, हवाइ भाडा र वैदेशिक रोजगार कल्याणकारी कोषमा गरी करिब १ लाख ६५ हजार रुपैयाा खर्च गर्नुपर्नेछ । सुरुमा एक हजार जना लगे पनि आगामी दिनमा कोटा बढाउने सरकारी अधिाकरीको भनाइ छ ।
इजरायल जाने श्रमिकले त्यहाा केयर गिभरका रुपमा काम गर्नेछन् । त्यसवापत उनीहरुले मासिक २ लाख रुपैयाा हाराहारी पारिश्रमिक पाउनेछन् ।
