कोशी प्रदेशका पूर्वमुख्यमन्त्री एवं एमाले कोशीका संसदीय दलका नेता हिक्मत कार्कीले कोशी प्रदेशमा एमालेसहितको महागठबन्धन नभएको बताएका छन् । एमाले अहिलेको सत्ता गठबन्धन नरहेको भन्दै उनले यसअघिको गठबन्धनसँग सहकार्य पनि नगर्ने स्पष्ट पारेका छन् ।
रास्वपा सभापति रवि लामिछानेको भनाइको प्रतिवाद गर्दै कार्कीले आफ्नो धारणा राखेका हुन् । शनिबार लामिछानेले गत उपनिर्वाचनमा आफूलाई र डा. स्वर्णिम वाग्लेलाई हराउन ‘महागठबन्धन’ बनेको र सोही महागठबन्धनले आज कोशीमा सार्थकता पाएको बताएका थिए ।
उनले आगामी निर्वाचनसम्ममा सबै पुराना दल एक ठाँउमा बसेर यस्तै महागठबन्धन गरी सकेसम्म चुनाव चिह्नसमेत एउटै हुने गरी ‘महासहमति’ गर्न आग्रह गरेका थिए ।
‘उद्देश्य एउटै, कार्यशैली एउटै, चरित्र एउटै, गन्तव्य एउटै भएपछि, सटरचाहिँ किन बेग्लाबेग्लै ?’ भन्दै लामिछानेले व्यंग्यात्मक स्टाटस लेखेका थिए ।
कार्कीले त्यसको जवाफ सामाजिक सञ्जालमार्फत नै दिएका हुन् । कोशी प्रदेश सरकार निर्माणमा एमालेको सहकार्य अहिले कांग्रेससँग मात्रै भएको उनले प्रस्ट पारेका छन् । रास्वपा सभापति लामिछानेलाई ‘स्वघोषित सेलेब्रिटी’को संज्ञा दिँदै उनले ‘ओभर स्मार्ट बनेर जनपक्षीय शक्ति एमालेलाई अन्डरस्टिमेट गर्ने दुस्साहस नगर्न’ चेतावनी दिएका छन् ।
‘तपाईंहरुजस्ता धेरै कलाकार एमालेले देख्ने, भोग्ने र बेहोर्ने कामसमेत गरिसकेको छ,’ उनले लेखेका छन्, ‘त्यसैले आफूलाई अपराधमाथि उभिएर पानी माथिको ओभानो बन्ने प्रयास नगर्नुहुन सादर अनुरोध छ।’
- प्रकाशित मिति : ५ घण्टा अघि
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।
(function(d, s, id) {
var js, fjs = d.getElementsByTagName(s)[0];
if (d.getElementById(id)) return;
js = d.createElement(s); js.id = id;
js.src = “https://connect.facebook.net/en_US/sdk.js#xfbml=1&version=v2.6”;
fjs.parentNode.insertBefore(js, fjs);
}
(document, ‘script’, ‘facebook-jssdk’));
