Sunday, March 3, 2024
Homeआर्थिकअष्ट्रेलियाबाट स्वदेश फर्किनु भएकी उमपेयर डंगोलको यस्तो छ, भ्रमण उपलब्धि

अष्ट्रेलियाबाट स्वदेश फर्किनु भएकी उमपेयर डंगोलको यस्तो छ, भ्रमण उपलब्धि

काठमाडौं-काठमाडौं महानगरपालिकाकी उपप्रमुख सुनिता डंगोल अष्ट्रेलिया सरकारको वैदेशिक मामिला मन्त्रालय र नेपालस्थित अष्ट्रेलियन दुतावासको संयुक्त निमन्त्रणमा विशेष भ्रमण पूरा गरी स्वदेश फर्किनुभएको छ।

अष्ट्रेलियास्थित सिड्नी, क्यानबेरा, होबर्ट र मेलबर्न सहरहरुको भ्रमण गरी उहाँ स्वदेश फर्किनु भएको हो। भ्रमणका क्रममा उहाँ विभिन्न कार्यक्रममा सहभागी हुनुभएको थियो। उहाँले भ्रमण सकारात्मक रहेको जानकारी गराउनु भएको छ।

खनिज तथा उर्जा, कृषि पर्यटनलगायतको अवलोकन भ्रमणका लागि मंसिर ८ गते अष्ट्रेलिया प्रस्थान गर्नुभएकी डंगोलले भ्रमणका क्रममा अष्ट्रेलियाली प्रधानमन्त्री तथा मन्त्रिपरिषद विभाग, सामाजिक नीति तथा महिला अन्तराष्ट्रिय संलग्नता शाखाका प्रमुख रोचेल हवाईसँग भेट गर्नुभएको थियो। उक्त भेटमा महिला समावेशिता, संलग्नता र सशक्तिकरण सम्बन्धी कार्यक्रम, विभिन्न क्षेत्रहरुमा महिलाहरुको सहभागिता र लैंगिक विषयवस्तुको सुधारबारे छलफल भएको उहाँले जानकारी दिनुभयो। भेटमा एसीटी महिला योजना २०१६-२०२६ बारे पनि छलफल भएको उहाँको भनाई छ।

‘भ्रमणका क्रममा एसिटीका मुख्यमन्त्री एण्ड्रियु बार बारसँग भेट गरी काठमाडौं महानगरसँग भगिनी सम्बन्ध स्थापित गर्ने विषयसँग सम्बन्धी आवश्यक पहल भयो,’ उहाँले भन्नुभयो, ‘उर्जा आवश्यकताको व्यवस्थापन, नेपाल र अष्ट्रेलियाबिच प्रत्यक्ष हवाई उडान, स्थानीय भाषा र संस्कृति प्रर्वद्धनका लागि स्थानीय पाठ्यक्रमको विकास र निर्माण्बारे पनि आवश्यक साझेदारी गर्ने बारे छलफलभयो ।’

सन् २०१७ पछि संभवत पहिलो पटक यसरी जनप्रतिनिधिलाई विशेष महत्व दिएर बोलाएको उक्त भ्रमणका क्रममा मानव संशाधन, लैंगिक समानता, आधुनिक दासप्रथा विरुद्धको अभियानलगायतका कार्यक्रमका सन्र्दभमा सम्भावित साझेदारी र समन्वय गर्न अष्ट्रेलियाली अन्तराष्ट्रिय मामिला तथा व्यापार विभागका वरिष्ठ अधिकृत ग्यारी कोवेनसँग पनि भेट भएको थियो। भेटमा अष्ट्रेलियामा आदिवासी जनजातिको ज्ञान, सीप। मूल्य र मान्यतालाई संरक्षण, संवद्र्धन र प्रवद्र्धन कसरी गरिएको रहेछ भने ज्ञान आदानप्रदान गरिएको उपप्रमुख डंगोलले जानकारी दिनुभयो।

भ्रमणका क्रममा न्यू साउथ व्हेल्सका आर्ट ग्यालरीहरुसँग बैठक र अवलोकन भएको थियो भने उक्त भेटमा ऐतिहासिक र संस्कृतिक महत्व बोकेको मूर्त तथा अमूर्त संस्कृतिक सम्पदा फर्काउने टोलीसँग पनि भेट भएको थियो। ‘सन् १९७१ पछि नेपालबाट गैरकानुनी रुपमा हटाइएको पद्मपनिको मूर्तिलाई न्यू साउथ व्हेल्सका आर्ट ग्यालरीले सन् २०१० मा धेरै चरण लगाएर खरिद गरेको रहेछ । उक्त ऐतिहासिक महत्व बोकेको पद्मपनिको मुिर्तलाई नेपाल फर्काउने आवश्यक पहल र प्रक्रिया बारे कुराकानी भयो,’ डंगोलले भन्नुभयो, ‘त्यसैगरी सिड्नी लोर्डका उपप्रमुख रोबर्ट कोकसँग भेटवार्ता भय । भेटमा नेपाल र अष्ट्रेलियाका स्थानीय तहहरु बीचको समानता र भिन्नता, स्थानीय न्यायिक समिति, सहरी योजना र विकासका प्राथमिकताको बारे छलफल भयो ।’

भ्रमणकै सिलसिलामा उपप्रमुख डंगोलले ९उत्तर सिड्नीको० अष्ट्रेलियन क्याथोलिक विश्वविद्यालयमा आयोजित महिला नेतृत्व र कार्यालयमा महिलाको सहभागिताबारे कार्यशालामा सहभागी हुनु भएको थियो । ‘अष्ट्रेलियन क्याथोलिक विश्वविद्यालयमा ठूलो संख्यामा नेपाली विधार्थीहरु रहेको र विभिन्न क्षेत्रहरुमा नेपालको स्थानीय तहसँग साझेदारी र समन्वय गरी विभिन्न कार्यक्रमहरु गर्न इच्छुक रहेको पाइयो,’ उहाँले भन्नुभयो, ‘काठमाडौं महानगरपालिका र अष्ट्रेलियन क्याथोलिक विश्वविद्यालयबीच गर्न सकिने साझेदारी बारे प्राध्यापक, पुर्वविधार्थी संगठन र महिला उद्यमीसँग सकारात्मक छलफल भयो ।’

भ्रमणका सिलसिलामा न्यू साउथ व्हेल्सको निर्देशक र पुर्व अष्ट्रेलियन राजदुत क्रिसपिन कोनरोय र संयुक्त राष्ट्रसंघ महिलाकी प्रतिनिधि जेन रोनफेल्डसँग पनि भेटवार्ता भएको थियो । भेटमा दुई देश बीचको दुईपक्षीय सम्बन्धलाई थप सुदृढ बनाउने र अनुभव आदानप्रदान गर्ने विषयमा केन्द्रित भएको थियो ।

युनेस्को क्रिएटिभ सिटी अफ फिल्म सिड्नीको निर्देशक क्यास हेपवोर्थसँग पनि भेट भएको डंगोलले जानकारी दिनुभयो । ‘काठमाडौं महानगरपालिकालाई पनि युनेस्को क्रिएटिभ सिटीले पुरस्कार प्रदान गरेको हँुदा सिटी अफ फिल्म सिड्नीसँग गुणस्तरीय चलचित्र प्रवद्र्धन गर्न सम्भावित राष्ट्रिय तथा अन्तराष्ट्रिय साझेदारीबारे विस्तुत रुपमा छलफल भयो,’ उहाँले भन्नुभयो, ‘उक्त भेट काठमाडौं महानगरपालिकालाई चलचित्र विकासलाई आर्थिक सहयोग गर्न, मार्गनिर्देशन प्रदान गर्न र चलचित्र मेला आयोजना गर्न थप सिकाई भयो । भेटले नयाँ र नविन कला, संस्कृति र नवीनता उद्योग सम्बन्धी नीति तयार गरि स्क्रिन पर्यटनको सम्भावनालाई समेत साकार बनाउन मद्दत गर्ने अनुमान गरेका छौँ ।’

क्यानबेरा सहरसँगको दुईपक्षीय साझेदारीलाई सुदृढ गर्न विभिन्न अष्ट्रेलियाली सरकारी पदाधिकारीसँग पनि भेट भएको थियो । त्यसैगरी मिडल्याण्ड साउथ र केन्द्रीय एशिया शाखाका सहसचिव स्टिभेन बराक्लोग र एपीएस एयनबीका निर्देशक जो फ्रेडेरीकसेनसँग भेट भएको थियो । भेटमा नेपाली विधार्थीको लागि कर्जा, आवास, मूर्त तथा अमूर्त संस्कृतिक सम्पदाको संरक्षण तथा प्रवर्दन र आदिवासी जनजातिको हित र विकासबारे बृहत छलफल भएको उहाँले जानकारी दिनुभयो ।

‘भ्रमणका क्रममा अष्ट्रेलियाली संघीय सरकारका माननीय पिटर खलिलसँग भेट भयो । उक्त भेटमा दुई देश बीचको संघीय प्रणालीबारे छलफल भयो,’ डंगोलले भन्नुभयो, ‘भेटमा संघीय अभ्यास प्रभावकारिता र पारदर्शितालाई थप सशक्तिकरण गर्नका लागि सम्भावित साझेदारी र समन्वय बीच छलफल भयो ।’

भ्रमणका सिलसिलामा अष्ट्रेलियाली राष्ट्रिय पुंजी प्राधिकरणका कार्यकारी निर्देशक स्याली बार्नेससँग पनि उपमेयर डंगोलले भेट गर्नुभएको थियो ।

(function (d, s, id) {
var js,
fjs = d.getElementsByTagName(s)[0];
if (d.getElementById(id))
return;
js = d.createElement(s);
js.id = id;
js.src = “//connect.facebook.net/en_US/sdk.js#xfbml=1&version=v2.10&appId=40151482661930” +
“1”;
fjs
.parentNode
.insertBefore(js, fjs);
}(document, ‘script’, ‘facebook-jssdk’));

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments