Sunday, March 3, 2024
Homeआर्थिकपार्टीको विधान र व्यवस्था बदलेर महाधिवेशन गर्नुपर्छ : गगन थापा

पार्टीको विधान र व्यवस्था बदलेर महाधिवेशन गर्नुपर्छ : गगन थापा

<!—->

<!—->

काठमाडौं- नेपाली कांग्रेसका महामन्त्री गगन थापाले पार्टीको विधान र व्यवस्थालाई परिमार्जन गरेर महाधिवेशन गर्नुपर्ने बताएका छन्। उनले नेपाली कांग्रेस पाल्पाको प्रथम जिल्ला सम्मेलनमा शनिबार पार्टी भित्र गुटबन्दी मौलाएका कारण पार्टीलाई सही ढङ्गले अगाडि बढाउन अबको महाधिवेशनमा विधान परिमार्जन गरेर निर्वाचनमा जानुपर्ने बताए।

‘पार्टीलाई विधानसम्मत तरिकाले चलाउन समस्या छ, विधानमा धेरै कुरा उल्लेख छ तर पालना भएको छैन, कति समय भित्र के–के कार्य गर्ने समय लेखिएको भए पनि कार्यान्वयन भएको छैन,’ उनले भने।

गुट भत्काउनका लागि विधान परिमार्जन गरेर सबै क्रियाशील सदस्यबाट पार्टीको निर्वाचनमा मतदान माग्ने व्यवस्था गरिनुपर्ने महामन्त्री थापाले बताए। देशभर आठ लाख ७० हजार कांग्रेसको क्रियाशील सदस्य रहेकाले महाधिवेशन प्रतिनिधिबाट मात्रै नभई अब विधान परिमार्जन गरी सबै क्रियाशील सदस्यबाट मतदान गर्ने व्यवस्था भएमा मात्र पार्टी भित्रको गुटको अन्त्य हुने उनले बताए।

Sagarmatha cement
Sagarmatha cement
nimb
nimb

पार्टीको अधिवेशनका बेला विभिन्न कार्य गर्ने भनिए तापनि निर्वाचन सम्पन्न भएपछि पनि परिपालना नभएको, अर्को पटकको निर्वाचनमा नेतृत्वको ध्यान केन्द्रित रहने भएकाले पर्टी भित्रका बेथितिलाई सुधार्नुपर्ने उनको भनाइ छ।

तल्लो तहबाट दिनुपर्ने टिकट माथिल्लो तहका नेताले दिने गर्दा जनअपेक्षा विपरीतका उम्मेदवारको हातमा टिकट प्राप्त भएको थापाले बताए।

-रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments