काठमाडौं महानगरपालिकाका मेयर बालेन्द्र (बालेन) शाहले आफनो कार्यकालको पहिलो नीति तथा कार्यक्रम सार्वजनिक गरेका छन् ।
आइतबार उनल सार्वजनिक गरेको नीति तथा कार्यक्रमको मुख्य नारा काठमाडौंलाई साँस्कृतिक सहर, समृद्ध महानगर बनाउने लक्ष्य लिइएको छ ।
बालेनले आफ्नो नीति तथा कार्यक्रममा काठमाडौंमा महानगर शिक्षा सुधार योजना तर्जुमा गर्ने उल्लेख गरेका छन् । विद्यालय शिक्षाको गुणस्तर सुधार गर्न सम्बद्ध विज्ञहरु रहेको समिति गठन गरेर महानगर शिक्षा सुधार योजना तर्जुमा गर्ने उनले बताएका छन् ।
त्यस्तै, सीपमा स्वरोजगार हुने जनशक्ति तयार गर्ने नीति अख्तियार गर्ने पनि शिक्षा नीतिमा उल्लेख गरिएको छ ।
काठमाडौं महानगरका १ कक्षादेखि ८ कक्षासम्म स्थानीय नेपाल भाषाको पाठ्यक्रमअनुरुप पठनपाठन गर्ने कार्यलाई निरन्तरता दिने पनि उनले उल्लेख गरेका छन् ।
महानगर शिक्षा कोष गठन हुने र यो कोषबाट विपन्न, अनाथ तथा असहाय बालबालिकाको शिक्षाको प्रबन्ध गर्न आवश्यक व्यवस्था मिलाउने शिक्षा नीतिमा उल्लेख गरिएको छ । कोषमा आन्तरिक आम्दानी गर्ने सामुदायिक विद्यालयहरुको आम्दानीको निश्चित प्रतिशत छुट्याइने उल्लेख गरिएको छ ।
सामुदायिक विद्यालयमा विद्यालय परिसर सुधार कार्यक्रम सन्चालन गर्ने पनि नीतिमा उल्लेख गरिएको छ ।
उनले नीजिस्थरमा संचालनमा रहेका शैक्षिक परामर्श केन्द्र, कोचिङ सेन्टर, तालिम केन्द्रलगायतका संस्थाहरुको अभिलेखीकरण गर्ने पनि नीति तथा कार्यक्रममा उल्लेख गरिएको छ ।
त्यस्तै, दरबार हाइस्कुललाई राष्ट्रिय स्तरको नमूना विद्यालयका रुपमा सन्चालन गर्न आवश्यक प्रबन्ध मिलाइने पनि बालेनले बताएका छन् ।
- प्रकाशित मिति : १ घण्टा अघि,
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।
(function(d, s, id) {
var js, fjs = d.getElementsByTagName(s)[0];
if (d.getElementById(id)) return;
js = d.createElement(s); js.id = id;
js.src = “https://connect.facebook.net/en_US/sdk.js#xfbml=1&version=v2.6”;
fjs.parentNode.insertBefore(js, fjs);
}
(document, ‘script’, ‘facebook-jssdk’));