Thursday, March 28, 2024
Homeराष्ट्रीयफुटपाथमा मकै बेच्नेमाथि महानगर आक्रामक, थापाथलीमा नगरप्रहरीको लछारपछार 

फुटपाथमा मकै बेच्नेमाथि महानगर आक्रामक, थापाथलीमा नगरप्रहरीको लछारपछार 

काठमाडौं । फुटपाथमा चेतेन्द्र आचार्य दम्पतीमाथि नगरप्रहरीको लछारपछारको घटना सेलाउन नपाउँदै काठमाडौं महानगरपालिकाको नगर प्रहरीले थापाथली चोकको फुटपाथमा मकै बेच्नेमाथि पनि लछारपछार गरेको छ । 

नगर प्रहरीले मंगलबार फुटपाथमा राखिएका मकै, दाउरा, कराइ, कपडालगायत सामान उठाएको हो । पछिल्लो समय महानगर फुटपाथमा मकै बेच्नेमाथि झन आक्रामक देखिएको छ । 

६० वर्षिय तेज बहादुर तामाङ र सीता लामा दम्पती तथा सञ्जुदेवी चौधरीको मकैसहितका सामान उठाएको छ । उनीहरू आफ्नो कुनै पेसा नरहेको र अरू काम गर्न पनि नसक्ने अवस्थामा रहेको बताउँछन् । 

नगरप्रहरी सुटुक्ट थापाथलीमा आइपुग्दा उनीहरूले मकै उठाएर भाग्न खोज्दा खोसाखोस भयो । 

Global bank

चेत बहादुर भन्छन्, “पढेको छैन । भारी बोक्ने काम गर्न सकिँदैन । यही मकै बेचेर छोराछोरीलाई पढाउछौँ । कैयाैँपटक नगरप्रहरीले यसरी लछारपछार गरिसकेको छ । पाप लाग्छ यसो गर्नेलाई ।”

उदयपुरकी सञ्जुदेवी चौधरी पनि २० वर्षदेखि थापाथली चोकमा मकै बेच्दै आएकी छन् । उनको पनि सबै मकै नगरप्रहरीले उठाइदिएको छ । 

चेतबहादुर दम्पती र सञ्जुदेवीले कालीमाटी तरकारी बजारबाट मकै किनेर फुटपाथमा व्यापार गर्छन् । “कैयौँ पटक यसरी हाम्रो सबै रोजिरोटी खोसिदिन्छ । न कसैले जागिर दिन्छ, न त काम गरेर खान्छु भन्दा सहज छ,” उनले दुखेसो पोखिन् ।  

दैनिकजसो नगरप्रहरीले आफूहरूलाई धम्काउन आउने गरेको उनीहरूको भनाइ छ । 

काठमाडौं महानगरका नगरप्रहरी प्रमुख धनपति सापकोटाले फुटपाथ व्यापार अवैध रहेको र उठाउनु आफ्नो कर्तव्य भएको बताए । “सामान्यतया दैनिक फुटपाथ उठाउछौँ,” उनले भने, “हामीले कानुनको पालना गरिरहेका छौँ ।”



 

सापकोटाका अनुसार महानगरले औषधिबाहेक बरामद गरेको कुनै पनि सामान फिर्ता दिँदैन । 

गएको शुक्रबार नगरप्रहरीले बालुवाटार क्षेत्रमा मकै बेच्दै आएका चेतेन्द्र आचार्य र सीता आचार्य दम्पतीमाथि लछारपछार गरेको थियो । 

चेतेन्द्र दम्पतीमाथिको लछारपछारको भिडियो सामाजिक सञ्जालमा ‘भाइरल’ भएपछि चर्को विरोध र आलोचना भइरहेको छ । 

नगरप्रहरी र चेतेन्द्र दम्पतीबीच दोहोर ओरोप–प्रत्यारोप छ । राष्ट्रसेवक सुरक्षाकर्मीले कानुन विपरित काम गर्नेलाई कारबाही गर्दा उल्टै आइलागेको भन्दै नगरप्रहरीले दम्पतीलाई कारबाहीका लागि महाराजगञ्ज प्रहरीमा निवेदन दिएको छ । 

नगरप्रहरी प्रमुख सापकोटाका अनुसार उनीहरूमाथि सामाजिक दुव्र्यवहार तथा गाली बेइज्जतविरुद्ध कारबाही गर्न माग गरिएको छ । 

नगरप्रहरी नेतृत्वले आचार्य दम्पतीलाई दोषी देखाउँदै ‘भुँडी घोच्दिन्छु, आँखा फुटाइदिन्छु’ भन्दै धम्की दिएको बताइरहेको छ । दम्पतीले घुस माग्दा नगरप्रहरीलाई अगुल्टोले हानेको स्वीकार गरेको छ । नगर प्रहरीका सई राजन श्रेष्ठमाथि पाँच हजार रुपैयाँ घुस मागेको आचार्य दम्पतीको आरोप छ । 

महानगरले नगरप्रहरीमाथि लागेको आरोपको बचाउ गर्दै आएको छ ।

महानगरका मेयर बालेन्द्र शाह (बालेन) को प्रतिवद्धतामा भने उपभोग अवधि वा समयअनुसार खुला ठाउँमा फुटपाथ व्यवसायको तालिका निर्धारण गरिनेछ । 

तर, मेयर शाहले फुटपाथमा व्यवसाय गर्न आउनेको सामान उठाउन निर्देशन दिइरहेका छन् । महानगरका सहायक प्रवक्ता महेश कुमार काफ्ले आफूहरूले छलफल गरिरहेको बताउँछन् । “कोरसिटी बाहिर समय निर्धारण गर्ने की भन्नेबारे छलफल भइरहेको छ । यद्यपि, फुटपाथ व्यापारीलाई प्रोत्साहन भने हुँदैन,” उनले भने । 


Nepal Investment bank


Nepal Investment bank


मंगलबार, असार २१, २०७९, १४:५६ मा प्रकाशित

(function(d, s, id) {
var js, fjs = d.getElementsByTagName(s)[0];
if (d.getElementById(id)) return;
js = d.createElement(s);
js.id = id;
js.src=”https://connect.facebook.net/en_US/sdk.js#xfbml=1&version=v2.12″;
fjs.parentNode.insertBefore(js, fjs);
}(document, ‘script’, ‘facebook-jssdk’));

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments